Është sulmuar me armë zjarri një person në Prishtinë, raporton Policia e Kosovës.

Viktima ka mbetur i lënduar ndërsa i dyshuari është larguar me një vetur pa targa.

Sipas Policisë, të gjitha njësitet relevante kanë dal në vendin e ngjarjes dhe janë konfiskuar dy gëzhoja që dyshohet të jenë të armës AK-47 si dhe vetura e viktimës, e cila ishte e qëlluar me armë.

Viktima është dërguar për tretman mjekësor në QKUK dhe më pas është liruar kurse rasti është duke u hetuar.

“Prishtinë 29.05.2022 – 02:45. Është raportuar se viktima mashkull kosovar kishte mbetur i lënduar prej armës së zjarrit nga një person i dyshuar, me një veturë pa targa. Në vendngjarje kanë dalur të gjitha njësitë relevante, me ç’rast janë gjetur dhe konfiskuar dy gëzhoja që dyshohet të jenë të armës AK-47 si dhe vetura e viktimës, e cila ishte e qëlluar me armë. Viktima është dërguar për tretman mjekësor në QKUK dhe më pas është liruar. Në konsultim me prokurorin rasti është inicuar si më lart. Rasti është duke u hetuar”, thuhet në raportin e Policisë së Kosovës./arbresh.info/